Ladki Bahin Yojana: राज्यातील लाखो महिलांसाठी सुरू करण्यात आलेली लाडकी बहीण योजना सध्या पुन्हा एकदा चर्चेत आली आहे. मार्च महिन्याचा हप्ता अद्याप खात्यात जमा न झाल्यामुळे अनेक लाभार्थी महिलांमध्ये संभ्रम आणि चिंता निर्माण झाली होती. एप्रिल महिन्याचा दुसरा आठवडा संपत आला तरी पैसे न आल्याने अनेकांनी शासनाकडे प्रश्न उपस्थित केले होते. मात्र आता या सर्व महिलांसाठी एक दिलासादायक अपडेट समोर येत आहे.
मिळालेल्या माहितीनुसार, मार्च आणि एप्रिल या दोन्ही महिन्यांचे मिळून एकत्रित ₹३००० रुपये लाभार्थी महिलांच्या खात्यात जमा होण्याची शक्यता वर्तवली जात आहे. विशेष म्हणजे, एप्रिल महिन्याच्या शेवटच्या आठवड्यात ही रक्कम थेट खात्यात जमा होऊ शकते, अशी चर्चा प्रशासनात सुरू आहे. जरी याबाबत अधिकृत घोषणा अद्याप झालेली नसली, तरी शासन स्तरावर हालचाली वेगाने सुरू असल्याचे संकेत मिळत आहेत.
दरम्यान, या योजनेचा लाभ फक्त पात्र महिलांनाच मिळणार असल्याचे शासनाने स्पष्ट केले आहे. ज्या महिलांनी अजूनपर्यंत ई-केवायसी प्रक्रिया पूर्ण केलेली नाही, त्यांना तातडीने ती पूर्ण करणे आवश्यक आहे. कारण केवायसी अपूर्ण राहिल्यास हप्ता थांबवला जाऊ शकतो. अनेक महिलांनी केवायसी करताना काही महत्त्वाच्या प्रश्नांची चुकीची उत्तरे भरल्याने त्यांचा हप्ता बंद झाला होता. विशेषतः “कुटुंबात कोणी सरकारी नोकरीत आहे का?” या प्रश्नावर चुकीची माहिती दिल्याने अनेकांचे पैसे अडकले.
या पार्श्वभूमीवर शासनाने महिलांना एक मोठी संधी दिली आहे. ई-केवायसी सुधारण्यासाठी ३० एप्रिलपर्यंत मुदतवाढ देण्यात आली आहे. त्यामुळे ज्या महिलांकडून चुका झाल्या आहेत, त्यांनी त्वरित अधिकृत संकेतस्थळावर जाऊन दुरुस्ती करणे अत्यावश्यक आहे. ही संधी शेवटची असल्याचेही स्पष्ट करण्यात आले आहे. Ladki Bahin Yojana
महिलांच्या तक्रारींची दखल घेत शासनाने घेतलेला हा निर्णय निश्चितच दिलासादायक मानला जात आहे. मात्र, पात्रता निकष पूर्ण न करणाऱ्या महिलांचा लाभ कायमस्वरूपी बंद होऊ शकतो, याची नोंद घेणेही तितकेच महत्त्वाचे आहे. एकंदरीत, एप्रिल अखेरीस दोन महिन्यांचे पैसे मिळण्याची शक्यता असल्याने लाडक्या बहिणींमध्ये पुन्हा एकदा आशेचा किरण निर्माण झाला आहे. आता सर्वांच्या नजरा शासनाच्या अधिकृत घोषणेकडे लागल्या आहेत.